沙嗲軒

之前黎食過胡椒蟹一試難忘，黎到附近姊妹話想食海南雞飯又想坐得舒服少少就醒起呢間餐廳。

沙嗲串燒

沙嗲 $138
雞豬牛各2串，個人認為豬最為出色；雞亦都好滑；對比之下牛比較乾同硬；醬汁好香花生味，一流！

家鄉福建薄餅

家鄉福建薄餅$78
睇個名以為會好似煎薄撐，黎到發現係薄餅卷埋豬肉同菜，再配以花生辣椒汁。清新、特別，但唔吸引。

喇沙

喇沙海鮮摻摻
蝦竟然得半隻，豆卜、魚片、魚蛋配小辣既湯底好惹味同易入口。

海南雞飯

海南雞飯$168
冬瓜雞湯非常之清好好飲；油飯粒粒分明，好夠味又唔油膩；雞已去骨亦好淋好滑，係雞下面既椰菜充滿住雞味好好食；醬汁方面豉油太甜，辣醬好好味。