九町屋 (已搬遷) 新店位置

今日要去港島區做野 朋友知道北角有間日本菜有靚靚環境 仲有特別醬汁同煎飯菜式 就帶左我去試新野決定慢慢搭叮叮去北角行到門口非常易認 整間木系裝潢 好有日式氛圍 門口仲有可愛狸貓迎接你 腦海即刻諗起宮崎駿嘅動畫-百變狸貓皇帝蟹棒煎飯 配咖哩醬汁或肉醬煎飯非常香口 配上微辣咖哩非常開胃有些紫洋蔥舖係蟹棒下面 蟹棒好大條牛肉壽喜燒鍋 配白飯一上枱非常熱辣辣 牛肉肉嫩 係我喜愛既日式風味配上豆腐大蔥 仲有日式粉絲 配埋白飯 好抵食又好味水蜜桃綠茶（凍）用上可愛的玻璃樽上枱 好用心吉列炸芝士 配威士忌汁芝士香脆可口 仲要係雙色芝士添 威士忌汁非常特別香濃 有好香威士忌味道簡直係畫龍點睛 和風辛味軟殼蟹配辣蟹籽醬呢隻軟殼蟹係我食過最大隻最厚 炸得非常香口 雖然佢叫辛味 姐係辣 但係可能我太食得辣 食唔出🤣近排疫情嚴重 呢間舖亦都有做外賣 下次路過再試埋肉醬版煎飯先