滾得囍宮廷火鍋小炒 (已改名) 查看

係北角諗唔到食咩就會去北角滙後後面條街 ，好多吸引既細舖仔，幾條友最簡單就梗係打邊爐，最後揀左間係寶馬花園附近既火鍋店，感覺不錯，值得推介。一坐低就已經有一盤熱水洗既餐具，好乾淨仲有幾碟小食，有碟係兒時回憶既蕎頭，而家好多餐廳酒樓無，幾特別。嗌左個椰子雞湯湯底，打邊爐一流，雞唔會係烚左好耐好鞋既鞋，不錯，同埋d雞件好大件好多。手切頂級安格斯牛，賣相非常吸引，放牛肉鼎都好特別。仲嗌左一口魚皮鮫、大扇貝、 黃金響鈴 。。。每碟既份量都好夠，幾抵食。待應好好人，會推介有咩新鮮野，行過都會幫我地加湯又提我地小心痴底，非常體貼。