上海小聚 (已結業)

上個週末我到北角探望親戚，就順道喺北角食飯。今次就搵咗一間就腳既平民餐廳——上海小聚，專門食上海小食，包括排骨麵、炸醬麵、紅油炒手、餃子等，價錢落喺$50-70不等。餐廳位置都幾就腳，距離地鐵站2分鐘路程的馬寶道，內部環境唔算太大，不過光線充足明亮，店員都幾有禮貌，下午茶時間都keep住有客人入黎。<招牌上海蔥烤排骨菜飯> $65+$4熱豆漿我們分別點咗三個套餐，均附送前菜同甜品。前菜有酸甜蘿蔔同陳醋雲耳，而甜品則固定為薑汁芝麻小湯圓。由於店員話無菜飯，所以套餐喺配白飯，相對比較健康。烤排骨份量好大，都幾容易咬開，蔥烤汁送飯一流。<四川香辣紅油配雲吞抄手> $59抄手柔嫩鮮美，湯汁麻麻香香，帶點黑醋味，十分開胃。雖然皮未至於好薄，但喺都幾入味。不過有點可惜既喺抄手唔夠熱，如果熱辣辣食會更好。<韮菜鮮肉餃子套餐> $60+$4凍豆漿餃子每日新鮮製造，我都見到店員好勤力咁不斷包餃子，餃子即叫即煎，脆卜卜幾足料。本來我地想食鮮蝦餃子，不過無提供。總括而言，餐廳價錢便宜，性價比幾高，我會歸類為平民之選。