偉爵爺私房菜

营业中

休息中

住開附近， 見到有新嘅餐廳。今日就試一試私房菜。見到佢出邊嘅裝修都唔錯，所以決定去試一試。入到去已經好快就安排咗我哋座位，餐牌上面亦都有好多唔同種類嘅嘢食。我自己鍾意食辣，所以嗌咗個鐵板炒辣章魚，章魚好好食，好有口感，而且鐵板送上，夠晒熱辣辣。份量仲有好多添！朋友嗌咗個蒸魚，只係百幾蚊嘅價錢，又可以食到質素咁好嘅魚，仲配埋飯，上湯炒唐生菜，同埋一個酸瓜小食。我哋另外仲嗌多個糖醋排骨， 酸酸甜甜，份量亦都有好多，唔會太油膩，配埋飯食一流。