影片
更多
2024-10-13
445 浏览
今次去咗食豬腩肉任食Set，真係食肉獸必去！最正係生菜可以加錢任嗌，夾住豬腩肉食，滋味無窮。雖然最近天氣熱，我叫咗兩輪就停手，但天氣凍時嚟食應該更加抵。配菜方面，真係好食，有酸蘿蔔、豆芽、泡菜等，全部都好開胃。唔使提，店員會定時定候主動嚟問需唔需要refill，服務一流。另外，叫咗一碟牛肉，切法似打邊爐嗰啲肥牛，輕輕落去燒兩燒就食得，唔會好老，油脂味夠，令人回味無窮。仲有叫咗一碗涼麵，入面有冰，食完都仲係好凍，個汁底酸酸地，食到滯滯地就解油膩感一流。飲品方面，叫咗啤酒同埋有氣米酒。有氣米酒飲落去感覺似果汁sake，細細支易入口，幾特別。整體嚟講，店員要用英語溝通，不過佢哋熱情好客，令到用餐體驗好愉快。下次一定要再嚟試其他菜式！
配菜方面，真係好食，有酸蘿蔔、豆芽、泡菜等，全部都好開胃。唔使提，店員會定時定候主動嚟問需唔需要refill，服務一流。
另外，叫咗一碟牛肉，切法似打邊爐嗰啲肥牛，輕輕落去燒兩燒就食得，唔會好老，油脂味夠，令人回味無窮。
仲有叫咗一碗涼麵，入面有冰，食完都仲係好凍，個汁底酸酸地，食到滯滯地就解油膩感一流。
飲品方面，叫咗啤酒同埋有氣米酒。有氣米酒飲落去感覺似果汁sake，細細支易入口，幾特別。
整體嚟講，店員要用英語溝通，不過佢哋熱情好客，令到用餐體驗好愉快。下次一定要再嚟試其他菜式！
张贴
