海街丼 (北角匯二期)

营业中

休息中

東區寶寶有福了😍，北角高質日本海鮮丼，次次搭車經過都見大排長龍，今日早少少去，直接入座😌店內大多係卡位，坐得舒服，裝修滿滿和風感，影相打卡一流📸🐟特上海寶丼🐟集吞拿魚，油甘魚，章魚，穴子，蛤蜊，小扇貝，真雪蟹，海膽，甜蝦，鮭魚子於一身，店員一送上，即被閃閃發光既海膽吸引眼球，刺身新鮮厚切，食完再加鮮魚湯，即變美味茶漬飯🤤🦐醬油漬蝦丼🦐蝦丼係所有蝦迷必點😆一送上眼前，我同朋友都不約而同”嘩”左一聲，肥美鮮蝦🦐鋪滿丼面，一定可以滿足每位刺身蝦迷。