順壽司日本料理 (已結業)

尋晚去試友人極力推薦既順壽司﹐話有八成客係日本人﹐即係夠正宗啦。其實對我黎講正唔正宗無所謂﹐最緊要好味﹐如果正宗得黎唔啱口味先至係問題。一坐低就每人送左一個小食﹐係某種我唔記得個名既魚﹐都ok架。職員話依家做緊一個promotion﹐係大概四、五十款($3x-$9x)內選五款﹐盛惠$250。我揀左以下五款—- 河豚乾(原價$7x)。超好味﹔- 海鮮辣泡菜(原價$60)。唔錯﹐但要有心理準備啲辣味會蓋過魚生既鮮味﹔- 海膽豆腐(原價$80)。幾好﹐但原價唔值﹔- 三文魚頸(原價$90)。好味、唔油﹐出面好多地方會整到好油﹔- 辣魚子雞翼(原價$65)。其實得好少辣魚子﹐係沙律醬上面個少少﹐同我預期唔同﹐不過都燒得好味。留意﹕傻大姐算死草﹐唔貴唔叫! 其實係人之常情﹐無理由揀$3x個啲架嘛。另外加多一個竹壽司﹐即係assorted sushi﹐$220有十件。好新鮮! 不過聽友人講lunch黎會抵食好多﹐即時問侍應攞個餐牌睇﹐原來Assorted sushi lunch set有兩個款﹐$150/15件、或$100/10件﹐包蒸蛋、小食、雪米磁。我一定會返黎試。除左好味﹐賣相靚外﹐服務都好