影片
更多
2010-12-31
39 浏览
北角區食一餐, 午餐最平起碼 $30, 晚餐就算食快餐店, 最平都要 $40, 當然仲要自己捧餐搵位排隊買飛啦, 但12月1日, 響北角開左一間意大利式餐廳 Saizeriya, 有侍應服侍, 唔收加一, 環境清雅仲播住意大利音樂, 大家聽落梗係覺得, 呢 d 餐廳, 位位幾百蚊先出到門口啦! 但佢地係唔收加一服務費架! 仲要係最平既一款飯只係 HK$22, 真係好抵, 而且水準不錯, 唔怪得之日日要排隊啦, 大家都快 d 去試試唔好執輸啦! 食評如下 ~吞拿魚沙律 (HK$23) ~ 食落都 OK, 好多吞拿魚, 但知道佢係預早整定既, 因為碟沙律送到客人面前時, 成隻碟係好凍既 野菌忌廉意大利飯 ($22) ~ 好香忌廉味, 食落好滑而且好多菇, 初初見佢咁細碟仲諗住實食唔飽, 但最後係食唔晒!海鮮意大利飯 ($24) ~ 必食之選! 由呢間分店 12月1日開張至今, 本人已經食左 6 次! 真係好好食, 個汁係新鮮蕃茄做, 材料有青口, 蝦仁, 魷魚圈待等, 好惹味無得頂!辣味雞翼 8隻 ($30) ~ 只係有人人可接受既香辣味, 唔會食到大家標晒眼水, 好多汁好香, 如果覺得
食評如下 ~
吞拿魚沙律 (HK$23) ~ 食落都 OK, 好多吞拿魚, 但知道佢係預早整定既, 因為碟沙律送到客人面前時, 成隻碟係好凍既
野菌忌廉意大利飯 ($22) ~ 好香忌廉味, 食落好滑而且好多菇, 初初見佢咁細碟仲諗住實食唔飽, 但最後係食唔晒!
海鮮意大利飯 ($24) ~ 必食之選! 由呢間分店 12月1日開張至今, 本人已經食左 6 次! 真係好好食, 個汁係新鮮蕃茄做, 材料有青口, 蝦仁, 魷魚圈待等, 好惹味無得頂!
辣味雞翼 8隻 ($30) ~ 只係有人人可接受既香辣味, 唔會食到大家標晒眼水, 好多汁好香, 如果覺得食唔晒, 可以選擇叫 4 隻.
總括黎講, 咁既價錢, 咁好既質素, 大家應該無咩投訴, 如果真係要投訴, 唯有係佢只收現金 (Cash Only) , 但我已經問過店長, 佢地話絕對唔會有其他付款方式, 因為會維持唔到成本.
服務方面, 大多為年青人侍應, 做野好快手, 亦都好熱誠, 而且全部聘請香港本地人職員, 絕對無溝通上既問題.
食物真係唔錯, 大家快 d 去試o下啦!
张贴
