南洋麵屋 (已結業)

今日途經北角，行到餓餓地就周圍睇下有咩食啦，見到有間南洋麵屋，一眼望入去就望到入面既裝修都幾文青，幾有格調，同北角依個地方大部份既店舖對方另有一番風味，甘入到去坐低發覺佢都坐得幾舒服，雖然店舖細細，但空間感都好好。甘首先就叫左個主菜先就係海南雞飯，佢雞皮肉嫩而且個油飯都好好食，唔會太濕夠哂入味，再之後就叫左兩個小菜，一個係豬頸肉，豬頸肉既份量好多而且無加醬都有一陣甜味，所以基本上都無用到d醬都好好食，另一道菜就係肉碎生菜包，佢既肉碎比出面既會比較濕身，同埋有少少辣，平時無食開辣既人就真係要衡量下先好叫吖。最後就係叫左個馬拉盞炒通菜,佢個菜都清清地，唔會太油。整體黎講，我都幾中意係北角依個鬧市入面既依一間南洋麵屋，氣氛同食物都好滿意