長阪燒 (已結業)

旺角雅蘭中心附近有間新開張數個月嘅日本菜，就近彌敦道比較方便。餐廳有好大張吧枱，前面放滿數10瓶自家製梅酒，一盤一盤食材包括各種新鮮魚，生蠔，海鮮等。生蠔仲有季節限定套餐，可以單點以每隻計算，或者配白酒同啤酒。iris rock 生蠔好清甜，淡淡嘅海水味。既然餐廳主打梅酒，就order一杯試試，入口好濃郁嘅梅味，應該浸超過一年。鮟鱇魚肝壽司係推介，平時我比較少食魚肝，但原來味道唔會好濃，淡淡的魚油香，加上壽司飯好夾。北海道鮮帶子加海膽大大件，帶子切開一半夾住海膽好似三文治咁，好有口感。