東海薈 (已結業)

嘩嘩嘩，今年無太湖大閘蟹唔使死嘅，咪食北海道大閘蟹囉，日本出口實有保證啦。一上菜就聞到陣陣蟹膏嘅香味，淨係成隻都用蟹肉蟹粉整嘅小籠包已經征服味蕾，啖啖肉，因為1隻蟹先整到2粒㗎咋，爽呀！再黎成大啖蟹粉配蒜蓉包，愈食愈香濃！2樣加埋已經有d擔心要食返10餐菜先得。正主北海道野生大閘蟹，個殼好硬淨，搣到手都攰攰地，但係肉質堅彈牙，同繁殖場嘅蟹真係有唔同！蟹膏雖然比太湖嘅少dd同無咁濃味，但味道清甜都幾好食。