影片
更多
2014-11-02
1175 浏览
自問從來都唔係一個愛熱鬧既人，加上好怕好多人既嘈又吵耳，所以是晚萬聖節之夜專登早小小放工去歌賦街搵食。可能因為節日既關係，即使已經去到七點幾，成條街都只係得小貓三四隻。行下行下，不知不覺已到了街尾，見店員喺外面大力推介就即管入去一試啦！呢度既裝修真係落足心機，同老闆傾開，原來呢度係日本北海道既franchise野黎，難怪呢度既裝修風格咁獨特，絕對唔似坊間果D「Hong Kong Style」既所謂日式餐廳！一打開Menu已經比佢既「Curry Soup Survival Guide」吸引左。原來呢度既主打curry係有分「Baby」、「Adult」同埋「Crazy」Bear 三種不同辣度。如果第一次黎食都係叫「Adult」搵陣。是晚因為唔太肚餓既關係，所以Curry都只係叫左Half Portion就算，希望儘量留肚去試唔同種類既Appetizer！Hokkaido Popcorn（$78）︰呢個popcorn味道非常特別，可能因為係同sweet corn一齊煮既關係，popcorn裏面有少少甜甜既粟米味道，激讚！而且popcorn裏面有少少curry既feel，帶鹹味之餘又有少少甜味
呢度既裝修真係落足心機，同老闆傾開，原來呢度係日本北海道既franchise野黎，難怪呢度既裝修風格咁獨特，絕對唔似坊間果D「Hong Kong Style」既所謂日式餐廳！
一打開Menu已經比佢既「Curry Soup Survival Guide」吸引左。原來呢度既主打curry係有分「Baby」、「Adult」同埋「Crazy」Bear 三種不同辣度。如果第一次黎食都係叫「Adult」搵陣。是晚因為唔太肚餓既關係，所以Curry都只係叫左Half Portion就算，希望儘量留肚去試唔同種類既Appetizer！
Hokkaido Popcorn（$78）︰呢個popcorn味道非常特別，可能因為係同sweet corn一齊煮既關係，popcorn裏面有少少甜甜既粟米味道，激讚！而且popcorn裏面有少少curry既feel，帶鹹味之餘又有少少甜味，絕對係必食之選！
Hokkaido Spinach （$78）︰因為用鐵板上菜既關係鑊氣的確十足！撈埋上面隻蛋同埋其他配菜一齊食落口一D乾口既感覺都冇，真係超正！
Campfire Scallops（$108）︰Scallop非常juicy，雖然外面煎得十分香口，但火路絕對無過猛令到佢本身既海鮮鮮味冇咗，抵讚！
Crab Croquette （$138）︰專登買蟹返黎再肢解佢，然後釀返入去，重要撈埋其他海鮮，真係一D都唔簡單，絕對係考師傅既功夫。睇得出餐廳喺呢方面真係做得好用心，焗既火喉亦都剛好，熱辣辣、香噴噴之餘又唔會過喉令到表面燶晒咁，激讚！
Oink Oink（$96/$56 half portion）︰豬肉同大部份日本餐廳既煮法差唔多，因為煮到好淋既關係非常容易入口，不過最特別既地方係舊肉真係非常入味，點都唔似果D「肉湯」分離、求其整熟舊肉就放落D湯度俾客食既無heart餐廳！糖心蛋方面煮到啱啱好，小小糖心流出黎之餘又不至於「污染」左D咖喱湯，用蛋漿同咖喱湯溝落D白飯度一齊食真係超正！
Marathon Chicken （$88/$58 half portion）︰原隻雞脾上既飯我諗除左茶餐廳之外，依家真係好少見喇！雖然只係half portion，但係如果連埋其他appetizer一齊order的話已經夠食有餘！咖喱湯裏面除左雞之外重有糖心蛋、蘿蔔等等既配料，十二度既「Adult Bear」辣度對於麻麻地受得辣既我已經差唔多極限喇！
食完已經差唔多8點幾，見到餐廳由一開始只係得「幾丁友」到後尾幾乎全場滿座咁濟，睇黎節日效應真係不容忽視！另外見到隔離枱既烏冬賣相唔錯，唔鍾意食飯既朋友都可以考慮下！同場加映︰佢個toilet真係靚到乜咁，潔淨程度絕對拍得住五星級酒店既水平，超讚！！
张贴
