北海道爐端燒 (已結業)

想食日本居酒屋串燒類既食物，上網搵到呢間評價唔錯既爐端燒。同幾個朋友上到去間餐廳個感覺係好似日本既居酒屋，木系既裝修。主要我地都係叫d燒既食物，不過首先就叫個枝豆同埋沙律。黑芝麻煙肉沙律，黑芝麻醬幾特別，酸酸地又有少少芝麻味。燒河豚干，有d似燒魷魚，不過味道介乎係魚同肉中間，幾有咬口，加埋日式沙律醬，好配合。蟹肉味噌燒，通常會係磯燒水產店見到比較多，蟹肉蟹膏撈埋鵪鶉蛋一齊食，食落去蟹膏味道好濃郁。鹽燒花魚魚肉好彈牙，唔會燒得好乾，岩岩好，又有香味又好食。之後係一連串既串燒，雞翼羊架雞軟骨日式番薯 ，值得一提係個羊架肉非常嫩滑，唔會痴住舊骨，一咬就咬到落黎。鵝肝壽司舊鵝肝皮脆肉嫩，入口即溶，一啖食晒成舊壽司成個口都係濃郁既鵝肝味。個芝士carbonara係煮完之後再去一大舊芝士上面煮，每一條麵條都有芝士味，中意食芝士既人必叫。