北海道爐端燒 (已結業)

今日同朋友喺尖東一帶行街，不知不覺已經八點了，有啲肚餓。諗起有朋友推介過附近一間叫北海道爐端燒嘅日式餐廳， 見近近哋就上到去試試。雖然已經八點幾，但人都非常之多，好不容易終於有位了。呢度環境都算闊落，唔會太迫。原來除咗卡位之外，仲有獨立房添！裏面要除鞋入去好似去日本人屋企一樣。即刻叫下嘢食先！我哋叫咗特上壽司盛合，串燒五款，炸年糕同燒味噌鮭魚腩。首先講下呢個特上壽司盛合先， 除咗常見嘅三文魚，吞拿魚同甜蝦外， 更有秋刀魚壽司！最特別嘅係有蟹肉同蟹膏壽司， 零零舍舍用個細碗裝住 ，十分別緻。 係我第一次見到呢款壽司阿！ 味道同平時食到既蟹膏差不多濃味， 但今次係同壽司飯一齊食，感覺十分fresh！除此之外，五款串燒亦都十分推介。有雞翼，有番薯仔，仲有芝士免治雞肉！香濃嘅芝士喺雞肉嘅表面溶化，兩者溶為一體，諗起都流口水！仲有牛肉年糕添。佢係用牛肉片包住一塊塊年糕，再燒熟，呢個組合真係好有創意，味道也十分不錯。最後，仲有一隻有骨嘅腸仔，外相已經好吸引！味道更可媲美街邊十幾蚊才一條嘅熱狗腸，多汁且彈牙！食埋一舊舊肥美嘅燒鮭魚腩，已經七八成了。最後用甜絲絲嘅芝士年糕作為結尾，簡直是無懈可擊！埋單