隱居 (已結業)

想起坑口村就一定會想到小炒、大排檔，其實仲有其它小店，例如呢間日式居酒屋隱居。咁岩有一個廚師不在，唔知係咪因爲咁所以今次試唔到佢地既串燒/其他燒物，有點可惜。北海道帆立貝檸檬蓉刺身配紫菜賣相特別，原本以爲會係Carpaccio形式呈上，估唔到係切到一粒粒，再包住紫菜一齊食。北海道帆立貝鮮甜美味，陪襯檸檬蓉增添一份檸檬香氣，夠refreshing，直接食已經好好味，用紫菜卷住食帶點新意。海膽軍艦超級肥美香甜，紫菜脆身，左口魚壽司亦很厚身，建議米飯再熱一點會更加好。蝦湯烏冬稍微有點失色，烏冬彈牙可口，但蝦湯不夠濃郁傑身，味道好似有點單調。刺身新鮮，整體來説算是很不錯。