合發燉奶餐廳 (已結業)

和太座來幫襯的主要原因，係因為佢見到酥皮蛋撻新鮮出爐，想來吃番件。呢度同翠華及港式係同一個集團，食物種類真的是非常之多，除了例牌的茶記食物，還有日式大碗飯、韓式石頭飯，連印度烤餅都賣埋，好唔好味就唔知，但真係唔到你唔服。太座一坐低就叫了茶走加件蛋撻，我就突然對燉奶幾有興趣，見佢寫明用北海道牛奶，又睇佢有幾巴閉。不知是否心理作用，這裡的燉奶又真的是幾香，不太甜，有水準亦試得過，美中不足是不夠滑。始終要找好的燉奶，去翠苑會好一點；太座的茶走當然的香甜幼滑，蛋撻就真的一般了，酥皮明顯是焗得不夠透，結成一堆，未及水準。同是賣4蚊，比起檀島的差好遠。侍應服務好有效率，是茶記特色，多句都唔講，一個字~「快」。埋單31蚊，經濟抵食。下次找不到心水吃東西，都會來這裡。題外話：見這裡也有劃分禁煙區，幾意料之外。不過兩區都無遮無隔，坐得幾近，所以坐在邊度都無咩分別，一樣聞到煙味。