Mi2cool (已結業)

去完crabtree大掃貨，又係時候抖抖。記得琴日睇magazine話foodcourt ge mi2cool ge 雪糕好食，於是就去試吓。買咗一杯北海道低脂乳酪 (配抹茶糯米糍)$28、一杯紅豆雪糕$18，同一杯芝麻雪糕 $ 18。北海道低脂乳酪用紙杯裝住，白雪雪，只得兩粒糯米糍，賣相就一般。嗰兩粒糯米糍已經雪到變冰，唔係軟淋淋，又無味，又無餡。至於個雪糕，的確係唔錯，口感輕盈，味道帶酸又帶甜。唔會有好漏嘅感覺。芝麻雪糕嘅芝麻味好濃，較甜。紅豆雪糕都ok, 不過黏度唔夠，較鬆散。