廣成冰室

营业中

休息中

作為北區街坊既我，偶爾會黎廣成開餐，大大話話都食左成十年，水準都依然KEEP到，每逢假日必定大排長龍，坐無虛席，茶餐由之前廿幾蚊賣到現在要$35，但比起茶餐廳一個早餐都$30，呢度既全日茶餐仍算物有所值。全日茶餐，可選菠蘿油/蛋治/奶油醬多+牛肉/火腿通+冷熱飲。 我既鐵膽係，蛋治+牛肉通，蛋治既雞蛋超厚身，蛋味濃，加上軟熟既方包，可以加少少鹽調味，正~ 牛肉通既湯頭夠清，有少許薑絲，牛肉唔靭，亦無鬆肉粉拿過，加上少少胡椒粉，更能帶出牛肉味。區外人多數會來飲冰柱紅豆冰，無得跟餐，只可散叫，$24，造型夠呃Like，但味道與一般紅豆冰無大分別，未試過一試無妨。