地點：上環永樂街58號地舖
菜式：午餐兩餸飯$36，加一款餸$8，可加$3加飲品
5
熱辣辣餸菜大概有20款揀，有素菜有炸肉等等。
今次每人叫左三餸。
椒鹽雞翼：一份有三大隻，皮脆肉嫩，椒鹽味道適中，唔會過鹹
菠蘿咕嚕肉 ：個咕嚕汁唔錯，好醒胃，伴有菠蘿、青椒、同洋蔥片等等。
糖醋骨：個汁調得好，好開胃。
吉列豬扒：大大塊連骨，炸得皮好脆，肉好薄身
蒜蓉菜心：份量多，好嫩口，味道唔錯
肉末四季豆：味道好，肉碎多
1
白飯分開用細膠盒裝，好方便，份量好多。
海帶綠豆沙 $15
綠豆超多，海帶滑滑地，陳皮味道好出，味道只係微甜。
星期五午飯時間有人龍，不過效率奇高，唔洗等多過5分鐘，中上環打工仔留意下。
