玉桃軒酒家 (康怡廣場) (已結業)

返工既時候同同事閒話間說起今年既旅行計劃，而同事就計劃暑假時間會走訪北京，讓我冒起對北京片皮鴨既掛念，放工就立刻去食。食中菜，當然要去酒樓，最後就選址玉桃軒，貪佢地最近做緊片皮鴨既promotion。大約7點到達酒樓，人唔算好多，大約5-6成滿吧。打開餐牌，選擇都幾多，價錢合理。而今日既重點當然係呢個片皮鴨，原價$268，而家就只售$228，做埋二食，都只係加$68。北京片皮鴨 $228估佢唔到，呢個片皮鴨都幾大碟wor，鴨肉亦都做到一鴨二食，有d就皮連肉，有d就淨皮，岩哂唔同口味既食客。個人就比較鐘情連少少肉既食法，口感更豐富，更有層次。伴隨既青瓜，蔥，同埋醬汁都好夠，絕對夠用。好貼心地，餐廳提供埋濕紙巾，食完清潔雙手，簡單又方便。生菜鯪魚球煲$98始終食片皮鴨都會有d油膩，所以我地就點佐個生菜鯪魚球煲，又有肉又有菜又有湯飲，真係一餸多食。而佢既份量同樣夠大夠多，鯪魚球大大粒，而且應該係手打製作，食得出佢既新鮮，同埋會有少少好細條既魚骨痴住，所以都要慢慢食。豆腐夠滑，菜既份量如果再多d會更好。玉桃軒係香港都有幾間分店，試過兩間都同樣出色，值得推介。