老掌櫃東北菜館 (海之戀商場)

营业中

休息中

呢一间东北菜嘅北京烤鸭真系做得好出色，首先最难得就系佢嘅鸭偏瘦但系仍然都有鸭油嘅香味，肉质鲜嫩，鸭皮同鸭肉之间冇乜肥膏，唯一挑剔嘅就系佢用嚟夹烤鸭嘅薄皮认真麻麻哋，真系好似成张纸咁样冇乜质感，所以后段我直头放弃咗呢啲薄皮，直接食烤鸭肉算数。羊肉蒸饺味道都唔错，冇乜羊膻味，饺子嘅皮略厚，真系正宗东北饺子嘅口味。油泼面好味道，虽然睇落去好多辣椒碎但系其实又唔系真系好辣㗎，捞匀佢嚟食认真一流。云耳炒津白都OK。