影片
更多
2017-06-10
756 浏览
鹿鳴春，一間充滿懷舊風北京菜館，是晚聚會我早左一個月就打定電話訂檯，至可以guarantee星期五晚有位jar。呢度好旺場，除左有本地人，仲有好多日本人同外國人幫襯。等人齊期間食左碟前菜，素鵝（$80，小），有淡淡嘅煙燻味，唔錯。花素蒸餃（$80， 10隻），清清地食素餃，因為主角未到。是晚主角：烤北京填鴨（$420），師傅即席係側邊片鴨，呢度片嘅方式係連片帶肉，仲有大大碟餅皮，同青瓜京蔥加甜醬。阿姐好好招呼，勤力換碟，仲同我地講呢度啲餅皮係自家手製，難怪我覺得好厚身，食幾塊都見飽。蔥爆羊肉（$98，小）：落左好多京蔥同蒜片炒羊肉，羊肉薄薄地冇騷味，京蔥吸收晒啲精華，爽脆好味。最後食多兩碟菜均衡下，家常豆腐（$78，小）及上湯火腿炆津白（$78，小），清清地去膩，因為五個人食一隻北京填鴨都幾多架。呢啲老牌食店，無論環境、裝修同氣氛都同而家嘅新派京菜店好唔同，真係好有特色！
呢度好旺場，除左有本地人，仲有好多日本人同外國人幫襯。
等人齊期間食左碟前菜，素鵝（$80，小），有淡淡嘅煙燻味，唔錯。
花素蒸餃（$80， 10隻），清清地食素餃，因為主角未到。
是晚主角：烤北京填鴨（$420），師傅即席係側邊片鴨，呢度片嘅方式係連片帶肉，仲有大大碟餅皮，同青瓜京蔥加甜醬。
阿姐好好招呼，勤力換碟，仲同我地講呢度啲餅皮係自家手製，難怪我覺得好厚身，食幾塊都見飽。
蔥爆羊肉（$98，小）：落左好多京蔥同蒜片炒羊肉，羊肉薄薄地冇騷味，京蔥吸收晒啲精華，爽脆好味。
最後食多兩碟菜均衡下，家常豆腐（$78，小）及上湯火腿炆津白（$78，小），清清地去膩，因為五個人食一隻北京填鴨都幾多架。
呢啲老牌食店，無論環境、裝修同氣氛都同而家嘅新派京菜店好唔同，真係好有特色！
张贴
