臨記車仔麵 (已結業)

相信大多數人都唔認識臨記車仔麵， 開宗明義佢就係食車仔麵嘅專門店，有住呢一區嘅朋友叫我有機會去試下，見今日行開嚟呢邊做嘢，咁就試下啦。晌收銀處叫咗嘢食，就可以自己搵位坐，然後等叫號，再去取餐處拎嘢食。入面嘅環境整潔，坐得舒適。另外，可能因為主要做街坊生意，見到職員同食客都好熟落，證明係會不斷返轉頭嘅。所以未收到個餐，我都已經好放心，相信應該會係好食嘅。 佢呢度嘅車仔麵係有set好嘅餐，見到個名特別 我就叫咗一個叫做化骨龍嘅精選配搭。佢入面有瑞士花香雞翼尖、秘製豬軟骨、墨魚丸、自家製鮮竹卷同埋唐生菜。我跟咗個傳統車仔麵湯，37蚊有五個餸都好抵食。雞翼尖同豬軟骨夠大夠入味，墨魚丸真材實料，自家製鮮竹卷餡料好足，有驚喜!! 食物本身都已經有調味，唔係白烚煮熟再拼埋一齊。