韓牛韓式燒烤 (已結業)

好耐無食過韓燒放題， 今晚留定肚刷餐勁。 之前行街經過都已經有興趣試餐廳地方都幾大， 坐位寬闊。肉類嘅選擇都幾多， 牛豬雞魚羊， 一應俱全。蔬菜， 沙律吧， 壽司， 三文魚刺身， 青口都有仲有好多熟食提供: 包括韓式炒粉絲， 泰式炒蜆， 香脆泡菜餅， 各式各樣伴菜...... 數都數唔晒!甜品都有不少選擇: 朱古力噴泉， 自製棉花糖， 軟雪榚， 雪條， 雪糕杯都有嘢飲嘅種類都好多， 啤酒汽水應有盡有啲肉醃得好入味， 肉質鬆軟， 味道不錯尤其鍾情佢嘅牛仔骨， 好鮮嫩多汁。