極尚大瀛喜日本料理 (已結業)

極尚大瀛喜日本料理銅鑼灣駱克道463-483號銅鑼灣廣場二期11樓今日竟然約到個揀飲擇食嘅失蹤人口，所以就揀咗呢間極尚大瀛喜日本料理，貪佢又有刺身又有甜品，入咗之後點餐嘅時候仲發現有熱烏冬，啱晒乜嘢都想食少少嘅朋友。刺身係有冰底咁樣上，非常之新鮮，仲要唔係求其一劈咁樣上枱，係有排位咁樣上，幾有心思，帶子刺身超級鮮甜！燒紐西蘭香草羊架啖啖肉，仲要應該係即整嘅，唔係煲咗好耐好韌嘅肉蒲燒鰻魚冇骨嘅，幾乎係入口即溶，上枱之後一分鐘都唔使就俾人食晒，搞到我要再叫過Overall我覺得食物質素同埋服務都好好，雖然而家冇防疫規例，冇規定要有一個執枱專員，但係都有職員不停巡場，見到枱面有食完嘅碗碟就會收走，可以不停出去攞嘢食都唔怕冇位放。