富寶會所私房菜

营业中

休息中

屋企人生日，想搵個地方又有麻雀🀄️打，環境又舒服食餐飯，就揀左九龍城《富寶會所私房菜》。可以包場包房，有需要嘅話仲可以係餐廳大型屏幕show祝福語句，不過要預早同餐廳講定。✨冬菜蒸馬友馬友油脂豐富，肉質好鮮甜。蒸嘅火候剛好，肉質嫩滑，剛剛離骨。加上鹹鹹甜甜嘅冬菜，好味。✨梅菜扣肉煲邪惡之選😈扣肉超腍，入口即溶，肥而不油膩。梅菜香味完全滲入扣肉同底層嘅生菜之中。梅菜加埋啲醬汁撈飯真係一流🥹✨蟲草花蒸雞從來都好鐘意食蟲草花同雲耳，好味又健康。用黎蒸雞令成件事更香。雞肉都好滑。如果想食海鮮，最好提前預訂，穩陣啲。