愛爾蘭瘋薯 (已結業)

剛吃罷了十勝豚丼, 唔夠飽, 走左去買個10蚊雞的愛爾蘭瘋薯。小弟從來都喜吃薯仔, 不論薯條, 薯片, 薯蓉, 煲薯或焗薯。早就知道瘋薯曾經一度的熱潮, 在openrice 裏曾是十強, $25還要排長龍, 故而遲遲未曾一試。但而家執剩兩間分店, 仲要減至10元, 聽來有點稀虛。襯佢還存在於人世, 減價又無人排隊, 咁就一定要試。要了一個Honey Mustard, 店員姐姐問要唔要多杯飲品, 我之前一早決定左鴻褔堂就一定係鴻褔堂, 唔會改, 我好尊一o既。看著他們現場即炸, 等了5分鐘便有得食。好熱, 燙咀之極, 同女友企响街, 你一條時我又一條。即叫即炸當然夠脆, 但個醬汁也是極不錯的, 甜甜的, 有少少芥辣味, 咁當然小弟愛吃薯就會幫佢加左唔少分。要我數佢缺點都有, 無櫈坐, 無冷氣, 仲要食損個咀好熱氣囉(聽落真係刁民一個, 霸道又難侍候), 不過飲番支雞骨草就應該頂得住啩。咁好味, 下個星期我會再黎損多次咀, 食下芝士味至得。