英王麵包店 (已結業)

我係個包痴~所以好多時經過都會買包包食@u@試過以下幾款:杏仁牛角曲奇-係一個牛角包,上面淋左d質地介乎蛋糕與曲奇之間既野去焗,仲有d杏仁片~味道偏甜,個包包兩隻牛角脆脆地,中間係淋既,只屬一般海苔肉鬆卷-好味!裏面有少少沙律醬,肉鬆好足料,包面既芝麻都好香~但食起黎有d狼狽,因為佢只係卷住d肉鬆,好易散,同埋如果多番少少海苔就好喇!鮮奶木頭包-外面韌韌地而裏面就好濕,都幾香,不過太甜喇>_<芝士包-個包質地偏韌,面頭有焗香既芝士,裏面又充滿芝士粒粒!唔錯~(但始終唔及DONQ!哈哈~不過A1就平d)pizza 包-我丁番熱黎食~好正,芝士溶溶地而且好足料黑椒牛肉腸包-我食果陣係新鮮出爐~條腸脆卜卜好香黑椒味!芝士法包-呢個唔係好得,太少芝士,而且只係平時用係麵包面果種芝士scone/提子scone-一般,都有d牛油香既,但太鬆散...食食吓有d似光蘇餅@_@"牛油卷-唔得!完全冇牛油味之餘個包又硬麻糬波波-好喜歡煙煙韌韌既口感~芝麻味好香口,但朱古力味就麻麻!而且呢個包要凍食,我試過出爐冇幾耐就食,裏面好濕又唔煙韌mini牛角包-幾鬆化,最鐘意佢個面有少少糖膠(?)甜