友利冰室 x 勿當奴 (中海日升中心) (已結業)

觀塘出名塞車塞到爆😂難得喺駿業街友利冰室出面停到車就拿拿聲跑入去買嘢食啦😂 因為要買上車食嘅關係,所以我揀咗比較輕便嘅Burger🍔魚柳包fish n cheap🐟魚柳包成個size比金拱門大一個圈😂魚柳大大舊,芝士比足一整塊👍無偷工減料👍魚柳外層夠脆,內裡juicy🤤脆弱雞腿包 Weak chicken🐔都係成個size比金拱門大一個圈👍雞件啖啖肉🤤軟滑多汁🤤味道微辣,外層香脆👍正呀跟餐轉咗特飲檸檬伯爵茶🍋同富士蘋果伯爵茶🍎味道偏甜,如果可以雪得再凍啲就好喇。平均計番一個餐大約50蚊左右💰相同價值消費相比嘅話,我一定會揀友利👑 起碼個包食完有飽肚感先啦😂而且味道方面絕不遜色👍