初心冰室 (已結業)

星期日行下旺角，去咗西洋菜街，中午就去咗呢間初心冰室食個午餐先，入到到去，燈光較暗，裝飾得好有懷舊feel!看看餐牌，又好抵食咁喎，兩人各點咗一個set lunch,燒美國西冷牛扒配黑松露野菌燒汁、另外一個日式咖哩旦包飯，什菜湯，牛油餐包，仲有餐茶，我地叫咗凍啡同凍奶茶，（凍飲加$3)西冷扒肉質鮮嫩，而黑松露D燒汁好配合味道，配菜果D薯角炸得好甘香而且分量唔少！日式咖哩旦包飯好大碟喎，甜的咖哩香而不辣，旦包住果D係海鮮炒飯，有蜆肉尤魚鬆蝦仔做材料，撈埋咖喱汁就好好味，不消一會成碟清哂！意猶未盡，各人叫多一個甜品，焦糖燉旦同埋芒果布甸，外觀賣相好得，擺放幾粒士多啤梨，藍莓，龍珠果做裝飾，好有心思，食落又係好好味！這午餐每人一百左右，真係超抵！臨走經過牆壁，上面寫著願我不忘初心，這一句話，另人有很多感觸，生活迫人，我的初心在那？