影片
更多
2014-05-22
917 浏览
以前晌加国时好钟意食街边热狗, 实在系太有风味太好味, 好可惜晌香港一直揾唔到有加国风味o既热狗.见到Yonge Piggies开咗都好一段时间(唔记得几耐), 一直好想试但苦无机会.上星期终于的起心肝去试一试佢...主打热狗有四款($68一款):1. Hickory Smoked2. Picante Pepper3. Honey Garlic4. Cheddar我自己试咗Honey Garlic, 有轻微甜甜o既蜜糖味, 好香o既蒜头味...热狗肠o既质地同我晌加国食o既好相近, 好香口好有加国风味...晌等待期间, 见到佢墙上o既海报物体有提及热狗肠系加国入口...不过著实同我晌加国食过o既有少少分别...我觉得无咁大条...配料都唔能够同加国o既相比...系有类同...但并非一模一样...例如有个绿色好似青瓜粒酱咁...同晌加国食o既似系一样...但粟米呢哩度就用一粒粒o既而非加国食热狗用果种有一粒粒粟米o既粟米酱...哩度有德国咸猪手配果种酸菜丝(加国我记得系无)...仲有新鲜洋葱粒, 蕃茄, 制过o既青辣椒, 同埋X榄等等...酱料都有几种选择, 我无去深究佢有咩酱料供应,
见到Yonge Piggies开咗都好一段时间(唔记得几耐), 一直好想试但苦无机会.
上星期终于的起心肝去试一试佢...
主打热狗有四款($68一款):
1. Hickory Smoked
2. Picante Pepper
3. Honey Garlic
4. Cheddar
我自己试咗Honey Garlic, 有轻微甜甜o既蜜糖味, 好香o既蒜头味...
热狗肠o既质地同我晌加国食o既好相近, 好香口好有加国风味...
晌等待期间, 见到佢墙上o既海报物体有提及热狗肠系加国入口...
不过著实同我晌加国食过o既有少少分别...我觉得无咁大条...
配料都唔能够同加国o既相比...系有类同...但并非一模一样...
例如有个绿色好似青瓜粒酱咁...同晌加国食o既似系一样...但粟米呢哩度就用一粒粒o既而非加国食热狗用果种有一粒粒粟米o既粟米酱...哩度有德国咸猪手配果种酸菜丝(加国我记得系无)...仲有新鲜洋葱粒, 蕃茄, 制过o既青辣椒, 同埋X榄等等...
酱料都有几种选择, 我无去深究佢有咩酱料供应, 只选择咗茄汁同芥末...
热辣辣一啖咬落去...真系好正...
于晌香港好难食到哩啲热狗, 两日后放工我外卖买埋返屋企食...
叫咗款辣o既热狗比老公, 我自己则试吓佢啲墨西哥卷(好怀念加国o既Taco Bell)...
老公试过都话好正...但我个墨西哥卷就有啲失望...
我叫咗鸡肉墨西哥卷, 鸡肉系一旧旧上...仲配咗饭...有牛油果...另可自选配料...
感觉同Taco Bell差好远(系我意会错咗以为会似Taco Bell)...
个皮厚...里面包咗饭个感觉好似唔知点...鸡肉无乜味无乜特别...
哩只墨西哥卷都要成$70一只...感觉好唔抵...又无热狗咁好食咁香口咁惹味...
个人觉得唔需要加$20转餐, 啲薯条唔好食(炸得唔好又无乜薯仔味).
题外话/补充资料：
如果可以自行下配料就一绝!!! 从前晌加国可以一边食一边自己加配料...
而且当年晌加国食过其中一档...热狗肠系介开十字花再烤/烧...Q过后条热狗肠o既十字花爆开哂...再将配料放上上面...配料click住哂晌啲十字花度...好正~~~
(以上食记乃用户个人意见 , 并不代表OpenRice之观点。)
张贴