帝樂德國餐廳 (Fashion Walk) (已結業)

行經呢間德國餐廳，諗返若干年前去德國旅行食德國豬手，食得津津有味。見到個餐牌脆皮豬二人餐價錢都幾相宜，每個人都係百零蚊。於是就同同事入去食一次Lunch Set。餐廳裝修基本上係完全複製德國當地餐廳裝潢，感覺就似置身係德國。二人餐脆皮燒豬肘配酸菜椰菜及炸薯角，除左主菜，仲有沙律、湯同兩杯野飲。雜果雜菜沙律係食咁邪惡脆皮燒豬之前，梗係食個沙律，罪惡感無咁重，個沙律好清新個餐湯係香濃薯仔湯配雞肉個薯仔湯好creamy，湯入面有唔小幼薯仔、蘿蔔、雞肉條，配送麵包好香脆脆皮燒豬肘配酸椰菜及炸薯角送上枱個刻，估唔到個份量都幾大份，最後我地兩位男士係食晒，係好飽住咁走。講返個味道，豬手烤到外皮好脆口，但裡面的肉質仲係好嫩滑，完全唔會乾身，另外，仲有德國豬手必備的酸椰菜，岩岩好中和左脆皮燒豬肘的肥膩感覺。值得一提係，店員會幫你切到細細件，方便你食用。凍朱古力、凍鮮奶咖啡自從端午後，一定要配備凍飲，解下暑！叫杯凍飲就岩晒！食脆皮燒豬肘個時，突然回憶起當年德國旅行的一點一滴，食物味道係可以勾起人的回憶。