1
先上前菜，海參水雲漬，海參鮮，口感爽身，加埋水雲漬物，酸酸地刺激一下味蕾，即刻準備好進入海洋世界🤣刺身時間，北海道帆立貝刺身，賣相好靚，非常厚身，黑椒鹽同檸檬就係北海道帆立貝既最好朋友，提鮮，感覺清爽又鮮味，做刺身既第一味非常合適❣️
幻星鰹，配上洋蔥汁，半熟狀態，生既部分有口感，熟既部分魚油又香又濃，非常好味😋八爪魚，同醬汁好夾，口感同鮮味都好正👍🏻慢煮鮟鱇魚肝，唔容易食到，有海底鵝肝之稱，魚肝就係魚味超濃郁既部位，魚味係口入面大爆發，好滿足既感覺🤤壓軸刺身厚切大拖羅，當然唔會令人失望，超肥美，入口餘韻好長，正😇天婦羅上場，共兩款，已經做好晒調味，尖魚，肉質好嫩滑，直情係幼嫩感覺👶🏻菜花，即係菜心，第一次食菜心天婦羅，入面好甜，外面好脆，好味👍🏻
最後到壽司，墨魚海膽，內有紫菜，特別既配搭，好鮮味，海膽好濃香，墨魚就將個口感增加左層次😗深海池魚配黃芥辣，深海池魚，肉質細緻爽口，魚肉味香甜🐳黑睦魚配柚子胡椒醬，火炙過，魚油味道又香又濃😵💫白子，超creamy同爆汁，味道焦香調教得唔錯，最後既北海道馬糞海膽軍艦，紫菜脆，海膽鮮甜，完美嘅句號💗
飲埋個麵豉湯就食完，超級豐富既OMAKASE，食材好特別而每一道菜都設計左一個唔同嘅風味俾你去感受😳食到師傅既心機、廚藝，食材既鮮味、特色，大滿足！🤯🫶🏻
