影片
更多
2018-08-29
989 浏览
♨️好一鍋♨️身處三十幾度夏天既香港人，識食梗係打邊爐啦閒日放工7點45到達，地鐵一出前行2分鐘即到，上到去無訂坐都可以即刻有位，環境唔錯又幾新淨既，亦夠涼同唔會好嘈，能見度合理服務員：幾位？我：兩個服務員：有位但要搭枱我：打邊爐搭枱？（係咪鴦鴛鍋一枱一邊）原來係大枱2+2+2，都算ok既不過當然唔係最理想啦，3-4人就有大卡位坐混醬時刻，大路既蒜葱茜麻XO都有湯底同野食都算好多款而好多樣都睇落好想叫，而佢好在會跟人頭俾既，即係水餃2人有4隻，蝦你寫個10字係隔離都係人頭數，所以你可以試到好多唔同既火鍋料好多個湯底都好似好正，我揀左龍蝦海鮮麻辣湯，嗌完先見到其實係可以雙拼，豬左湯底到左就知原來係小龍蝦，望落唔錯亦好香，之後食落就無咩辣味唔夠爽，小龍蝦就當然淨係負責視覺享受啦叫野飲環節，薏米水個類就任叫一壺壺拎俾你既，韓式飲品同汽水就隨你自己揀+拎，啤酒無任飲但個價錢飲到反胃都唔肉痛既，（藍冰$10/5罐9點半後$5/5罐，水一樣既價錢，水一樣既享受）收費啤酒叫完30秒就拎俾你set埋冰桶，Yeah我食左手切肥牛、美國肥牛、滑牛肉、花膠、黑松露墨魚滑、海蝦、脆鯇魚腩、白鱔片、滑雞柳、牛栢葉、
身處三十幾度夏天既香港人，識食梗係打邊爐啦
閒日放工7點45到達，地鐵一出前行2分鐘即到，上到去無訂坐都可以即刻有位，環境唔錯又幾新淨既，亦夠涼同唔會好嘈，能見度合理
服務員：幾位？
我：兩個
服務員：有位但要搭枱
我：打邊爐搭枱？（係咪鴦鴛鍋一枱一邊）
原來係大枱2+2+2，都算ok既不過當然唔係最理想啦，3-4人就有大卡位坐混醬時刻，大路既蒜葱茜麻XO都有
湯底同野食都算好多款而好多樣都睇落好想叫，而佢好在會跟人頭俾既，即係水餃2人有4隻，蝦你寫個10字係隔離都係人頭數，所以你可以試到好多唔同既火鍋料
好多個湯底都好似好正，我揀左龍蝦海鮮麻辣湯，嗌完先見到其實係可以雙拼，豬左湯底到左就知原來係小龍蝦，望落唔錯亦好香，之後食落就無咩辣味唔夠爽，小龍蝦就當然淨係負責視覺享受啦
叫野飲環節，薏米水個類就任叫一壺壺拎俾你既，韓式飲品同汽水就隨你自己揀+拎，啤酒無任飲但個價錢飲到反胃都唔肉痛既，（藍冰$10/5罐9點半後$5/5罐，水一樣既價錢，水一樣既享受）收費啤酒叫完30秒就拎俾你set埋冰桶，Yeah
我食左手切肥牛、美國肥牛、滑牛肉、花膠、黑松露墨魚滑、海蝦、脆鯇魚腩、白鱔片、滑雞柳、牛栢葉、韮菜豬肉餃、午餐肉、蟹爪棒肉、油炸鬼、水魷魚、黑木耳、蜂巢豆腐、冬瓜片、鮮腐竹、粟米、蘿蔔、金菰、秀珍菰、唐生菜、油麥菜、萵筍、仲有是日推介海鮮 - 蜆（多到打完都覺得得人驚）PS 待應態度極好
🐻勞蘇食推介🐻
美國肥牛 👉🏻👉🏻 夠肥美，想瘦啲就揀手切牛
滑牛肉👉🏻👉🏻滑 x 牛味ok
花膠👉🏻👉🏻夠嫩滑
海蝦👉🏻👉🏻任食都有蝦仲要鮮海蝦，你懂的
白鱔片👉🏻👉🏻意外地好味，必試
牛栢葉👉🏻👉🏻新鮮而大舊
蟹爪棒肉👉🏻👉🏻貴個隻蟹腳肉，落足本
水魷魚👉🏻👉🏻新鮮，唔會一淥就縮
油炸鬼👉🏻👉🏻有打開邊爐就知正
蜂巢豆腐👉🏻👉🏻麻辣鍋唔食佢食咩呢
鮮腐竹👉🏻👉🏻麻辣鍋唔食佢食咩呢x2
萵筍👉🏻👉🏻打邊爐有既記住食
是日推介海鮮 - 蜆👉🏻👉🏻鮮到一個點
🦐蝦控之攻略🦐
次次都係人頭蝦，好難搞既，又唔暢快，我就好中意食蝦既，所以........叫左7次儲埋一碟，爽死了而任食都有鮮海蝦係超正既一件事，蝦一開離殼，夠晒新鮮，堅正堅新鮮
⚠️搭枱插曲⚠️
話說我就食得好高興既，而附近既朋友就狂燥，叫左野食手無黎，無叫既又黎左，不過佢枱號都講唔清楚令人地俾錯佢，怪唔得邊個，我地依枱除左寫左水魷魚佢睇錯下面個黑木耳之外就完全無問題，所以，見「人」見智啦PS 待應態度極好
任飲任食 x 質素唔錯 x 多海鮮 x 多選擇 x 平日無趕人走 x 有金城安陪食 x $158加一
仲想點值得一去
#待應態度好好
#氣氛唔錯
#食之前影咁多相而食既時候唔記得影就知值得去啦
张贴
