巴辣仔烤魚雞煲 (加連威老道) (已結業)

位於尖沙咀加連威老道，舖頭可以話係靜中帶旺。睇返menu，呢度除咗烤魚之外，仲有好多唔同嘅雞煲款式可以選擇。原條深海大班，$388。包四款配菜，我揀咗最鍾意嘅娃娃菜同蘿蔔。聽店員講，呢度嘅深海大班係沙巴龍躉，所以魚肉無論煮幾耐都係咁嫩滑。朋友唔食得辣，所以只可以點小辣，魚汁勝在夠麻夠香，縱使係唔夠辣嘅情況下都可以挑起你嘅胃口。另外十分推薦呢度嘅手工餃子，每一粒都係真材實料，食多幾粒都好快飽，性價比非常高。大大杯飲料，又平又高質。