婆婆珈琲屋

营业中

休息中

終於黎打卡啦～～提早一星期book位，但下午時段已經full左，剩返夜晚時段有位。原來下就同夜晚嘅menu 係唔同～下就好似吸引d🤣🤣🤣搭𨋢上到去係精品雜貨店，要行入去先係餐廳。金平牛肉定食💰138豚肉生薑燒定食💰138兩者配菜都有蘿蔔漬、清酒溏心蛋、茶碗蒸、胡麻菠菜。只係主菜唔同～蘿蔔漬：酸甜又爽口，有少少柚子好開胃。清酒溏心蛋：外表好靚仔☺️，但就食唔出酒味。茶碗蒸：中規中矩，再嫩滑d更好～胡麻菠菜：菠菜配搭麻醬同柴魚片。金平牛肉：牛肉連同蓮藕、洋蔥爆得好香，落埋辣椒絲係個面做點綴。豚肉生薑燒：豬肉加埋洋蔥同生薑一齊炒。帶點甜，吸收醬汁嘅精華，好入味！沖繩海鹽富士山💰98蛋糕上面有芝士奶蓋，旁邊有海鹽雪糕。點埋糖漿黎食，甜甜鹹鹹又唔錯喎～但價錢真係偏貴，為左打卡而嗌🥲惠顧料理可以半價追加飲品，但我地無嗌到～～飲水就好了。有青瓜水同蝶豆花水可以選擇。整體而言，性價比低，價錢偏貴，打卡一次就好🤣食物中規中矩，只勝在餐具、碗碟同擺設靚。