Napoli’s Pizza & Caffe (已結業)

得知最近尖沙咀開咗間日式快餐店係食pizza既，就即刻去試試。都算係幾隱蔽，有時經過都無留意到隔離有條樓梯上去。環境都幾整潔，位都足夠，要自己出去買餐，之後拎個牌有人送野食嚟。叫咗一個餐，另加洋蔥圈。pizza加薯條汽水只要加$15，因為自己都幾鍾意食洋蔥圈，見到都唔算貴就叫嚟試下。total $81，食pizza嚟講都幾抵食。呢度啲薯條係幼薯條，個人鍾意食粗薯條多啲，幼身薯條唔多有口感，但味道都ok，唔會話太咸。pizza賣相都幾得，但係烘得唔夠時間，所以個底同個邊都係軟身唔夠脆，有啲可惜，如果烘多陣的話一定好食好多！失望洋蔥圈，熱辣辣脆卜卜，呢個真係唔錯份量都ok，值回票價。整體嚟講都ok，下次都可以再試下其他。