點一龍 (海港城) (已結業)

星期五晚，約左班舊同事食飯，大家都忙，之前個日先傾去邊度食，唯有又用openrice訂檯服務啦搵到呢間，記得去年黎食過2次，無咩人，食物質素都ok，就幫襯呢間啦3個女仔叫左:1. 雪影奶皇飽: 可能我諗住佢係流沙奶皇既，所以大失所望...上次食雪影叉燒飽好味好多...2. 美極蝦球： 全晚5碟食物中較為滿意之一，尚算賣相精美和味道幾好。3. 蜆蚧鯪魚球：另一碟滿意之作，有鯪魚味。4. 鎮江骨：平時係呢d稍為高檔次的餐廳度食，d肉會細細件好精緻咁，但唔係囉...仲有隻蛋係白烚的，要我係d汁度碌來碌去才有點味道5. 牛河: 全晚最差，連一般酒樓大排檔的水準也不如，我炒都可能好過佢！d河粉一舊舊，無錯係一舊舊碎碎的但唔散既，我一夾起已忍唔住講左句「咩事呀」，絕對可以不叫！我連影相都無影到！食物質素差左好多，唯一好處係呢區又唔使book位，但可以係呢個價錢和呢個環境囉。