鳴門魚湯麵亭 (已結業)

上次黎勝利道睇下可愛既貓貓狗狗，發現左依間鮟鱇魚湯既專門店，覺得好特別，再加上最近食壽司都試過鮟鱇魚肝，印象良好，覺得會好有鮮味！試左石鍋安格斯牛肉鮟鱇魚湯，味道鮮甜，但係特覺得偏中式，有點似食魚湯米線個種湯，我相信魚湯迷應該會好鍾意，我係好怕腥既，但係唔覺得有腥味，再加上可以落白芝麻、蒜片、一味粉、拉麵調味粉，口感都幾多元化，牛肉就幾瘦既，無咩肥肉，烏冬好彈牙，幾正！另外叫左豬骨湯牛肉石鍋烏冬，其實豬骨湯都煮得幾好，唔叫烏冬配拉麵都一樣會好夾，牛肉就普通肥牛，無安格斯咁高級，多啲肥肉，一分錢一分貨，食完唔會好口渴，似乎係用真料！兩個烏冬都簡左石鍋，因為真係好吸引，一上菜既時候仲沸騰更！下次可以試拉麵或者飯類！後記：睇到comment, 話店員服務態度一般，幸運地，我又唔覺得有問題。