初麥手作烘焙

营业中

休息中

第一次食係因為咁啱閒日早咗收工、剛剛買到。因為實在好好味嘅關係，今日放假再嚟買，不過今次要排隊。餅店每日有幾輪出爐時間，可以上FB或IG睇，費事摸門釘啦。不過啲時間12點，3點，6點，唔放工都好難買到。北角嘅街坊真幸福。今次準備充足，排左半個鐘到我。每人限買4個咋，如果屋企多人，記住叫多個人排。上次食咗原味同芋頭味，今次四個全部都買曬芋頭味😆買返屋企嘅話，記得食之前要焗一焗呀！我用氣炸鍋返熱，焗到個包脆一脆，布丁熱辣辣！原味都好食，不過芋頭味更佳！啲布丁動L動L，中間流心，奶香味重但唔會過甜，簡直係一試難忘！絕對有質素，想再食。