影片
更多
2023-04-21
25 浏览
💁♀️💁♂️ 13/4/2023(Thu), Dinner🍽對於佐敦文英街呢一帶既印象本身都係覺得舊樓比較多，但其實都有唔少不同類型既食肆，今晚為食妙妙同A先生就嚟到晴の居酒屋食日本菜。而今晚我地order咗：🔆 瑩光魷魚🦑沖漬（$46）瑩光魷魚🦑漬過之後，入口鹹香爽滑，用來送酒一流，所以我地都點返支啤酒🍺 飲飲先。🔆 二人前 晴の御宴🍱（$588）用一個盛盒裝住，所有食物都鋪排得好靚，加埋兩碗日本叉燒烏冬🍜，份量絕對足夠兩個人食。🔆 雜錦魚生丼飯🍚有三文魚、吞拿魚赤身、真鯛同埋吞拿魚腩蓉，放喺一層壽司飯上面。即使係魚生飯，但用上既魚生都好新鮮。三文魚油花分佈不錯，食落有魚味同脂香；吞拿魚雖然係赤身，但入口都有淋滑有魚味；真鯛入口魚肉彈牙好食；吞拿魚腩蓉油香豐富，食完口腔中仍滿口脂香。🔆 燒虎蝦🦐兩隻虎蝦🦐大大隻，燒得香口食落蝦肉彈牙。🔆 鮪魚腩蓉反卷同魚生飯既吞拿魚腩蓉一樣，入口同樣油香豐富，食得滿口脂香。🔆 雞皮餃子🥟外層既雞皮炸得香脆，雞油滲入內裏既雞肉餡，香口好食既一份餃子。🔆 炸雞件炸漿薄薄的一層，炸得夠香口，雞肉食落嫩滑有肉汁。🔆 黑豚肉蘆筍卷黑豚肉卷住爽嫩既蘆筍，不用醬汁
💁♀️💁♂️ 13/4/2023(Thu), Dinner🍽
對於佐敦文英街呢一帶既印象本身都係覺得舊樓比較多，但其實都有唔少不同類型既食肆，今晚為食妙妙同A先生就嚟到晴の居酒屋食日本菜。
而今晚我地order咗：
🔆 瑩光魷魚🦑沖漬（$46）
瑩光魷魚🦑漬過之後，入口鹹香爽滑，用來送酒一流，所以我地都點返支啤酒🍺 飲飲先。
🔆 二人前 晴の御宴🍱（$588）
用一個盛盒裝住，所有食物都鋪排得好靚，加埋兩碗日本叉燒烏冬🍜，份量絕對足夠兩個人食。
🔆 雜錦魚生丼飯🍚
有三文魚、吞拿魚赤身、真鯛同埋吞拿魚腩蓉，放喺一層壽司飯上面。即使係魚生飯，但用上既魚生都好新鮮。三文魚油花分佈不錯，食落有魚味同脂香；吞拿魚雖然係赤身，但入口都有淋滑有魚味；真鯛入口魚肉彈牙好食；吞拿魚腩蓉油香豐富，食完口腔中仍滿口脂香。
🔆 燒虎蝦🦐
兩隻虎蝦🦐大大隻，燒得香口食落蝦肉彈牙。
🔆 鮪魚腩蓉反卷
同魚生飯既吞拿魚腩蓉一樣，入口同樣油香豐富，食得滿口脂香。
🔆 雞皮餃子🥟
外層既雞皮炸得香脆，雞油滲入內裏既雞肉餡，香口好食既一份餃子。
🔆 炸雞件
炸漿薄薄的一層，炸得夠香口，雞肉食落嫩滑有肉汁。
🔆 黑豚肉蘆筍卷
黑豚肉卷住爽嫩既蘆筍，不用醬汁簡簡單單就咁輕輕用鹽調味，食返食材本身黑豚肉既肉味。
🔆 沙律🥗
沙律菜配上日式胡麻醬，清新既蔬菜平衡返套餐入面既肉類。
🔆 日本叉燒烏冬🍜
湯底奶白色，豬骨味濃，有一片火炙過既叉燒，入口香口帶脂香肉香，烏冬煙韌彈牙，細細碗份量剛好。
🔆 日本紅豆🫘蕨餅
紅豆🫘香甜軟糯，配合抹茶蕨餅，煙煙韌韌香甜好食。
🔆 Asahi🍺（$38）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 裝修富日式風情，店內有唔少日本動漫相關既裝飾
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳位處既文英街有少量錶位🅿️
👉🏻 佐敦站/柯士甸站/高鐵🚄站行過嚟都係10分鐘左右路程
🔆🔆🔆🔆🔆🔆🔆🔆🔆🔆🔆🔆🔆🔆
张贴
