新穎茶餐廳 (已結業)

這間茶餐廳樓面不大, 兩旁卡位連中間圓枱, 約有十張枱, 若果只有一個人, 我是不會入內幫襯的, 因為怕坐得很焗束, 今日有朋友一起, 大家又有興致去試吓, 就首次踏足此食店.中午時段有午餐, 快餐, 特餐, 盅頭飯及酸辣米線等, 我最後揀了快餐的蒸烏頭魚飯跟熱奶茶 ($26), 因為少吃, 又比較健康. 三位朋友分別揀了酸辣豬扒米線 ($26), 快餐的蒸排骨飯跟熱華田 ($26), 午餐的奄列牛油麵包及沙爹牛湯米跟熱奶茶 ($26). 最快送上的不是快餐, 而是午餐, 份量一般, 朋友表示味道都是一般.隨後是我的蒸烏頭魚, 是一碗飯及一碟餸, 賣相幾討好. 半條魚的份量, 魚肉算幾滑, 汁夠惹味, 滿意. 不過飯就差少少, 沒有飯味, 而且有些生米. 熱奶茶尚算濃滑, 合格.蒸排骨份量有十多粒, 不算肥, 不過朋友覺得味道未及蒸烏頭般惹味.酸辣米與豬扒是分開上的, 碗很大, 湯很多, 但米線份量似乎少了些, 而朋友亦表示酸辣味未夠濃, 並且豬扒沒有斬件上, 食得較為困難. 大致上, 食物勉勉強強okay, 但乾淨情況就不太理想, 因為看見地磚有疑似湯汁漬未清理妥當, 有點笠黐黐.