平成 (已結業)

呢間野啲服務真係勁差服務。改正：應該係話完全冇服務。個店小二首先叫我哋自己喺張紙度寫低要食啲咩，佢話唔會幫我哋寫單。跟住叫佢加水，佢竟然叫我去門口度自己浸水，我問佢點解可以叫個客人自己浸水，佢回答話：「呢度係自助。」真係O晒嘴。嘢食方面，都只可以話係不過不失，不過有幾碟餸勁鹹。埋單每個人要$400。已一間完全冇服務嘅居酒屋來講，絕對唔值咁樣嘅價錢。原本以為，小店係質素同服務嘅保證，同埋樓上啲食評都話呢間野幾好食。食完先知道上當受騙。