NINETYs (些利街) (已結業)

今日去咗山頂行山 行完之後落返山就覺得好肚餓 所以就同朋友周圍去搵嘢食 見到呢間Ninetys Soho裝修環境都好靚又夠chill 而且價錢都幾大眾化 可以入去慢慢食慢慢坐 最啱我地呢啲hea人 所以就決定入去試下 入到去叫咗一個piggy piggy 顧名思義佢係用豬肉去做主材料嘅一個漢堡包 麵包用上竹炭麵包去做 口感獨特 層次又分明 配上油脂甘香嘅豬肉 包保食上癮其實食完一個包之後都飽飽地 但係朋友又想叫一個豬腩肉 sassy belly 肉煎完之後配上香烤嘅汁燒菠蘿 爽口香甜不特止而且菠蘿嘅酸酸甜甜味道令到豬腩肉唔覺得油膩 值得一讚最後就叫咗一杯牛奶朱古力 朱古力味好香濃 而牛奶亦都好creamy 成杯嘢都好好飲