Be Leaf (已結業)

工作關係去到觀塘，見完個客應該簽得成張大單，心情非常之好於是喺附近搵間靚餐廳諗住同自己慶祝吓😉結果就搵到呢一間異國風情勁重嘅餐廳☺️靚到我要即刻去觀光一下😳順便揀個靚靚lunch嚟食好彩早咗一步到，如果唔係估計又要等一排，因為間餐廳應該好受歡迎，唔使一陣間出面已經有人排隊啦😝餐廳都好多嘢食，除咗lunch set之外，仲有好多甜品同飲品揀，不過下晝又趕住見另一台客，所以今餐食住過lunch先啦🤗我見到香煎紅魚柳蕃茄莎莎蒟蒻麵呢個幾特別，決定就叫呢款啦👻呢個蒟蒻麵係勁特別，食落去勁有異國風情😳蕃茄沙沙酸酸地勁開胃，香煎魚柳勁香脆，魚又嫩滑，好值得叫！下次再試其他甜品🍮先🤭