影片
更多
2018-11-27
235 浏览
早兩日氣溫急降至低於 20 度，大家都開始穿起長袖衣物。終於有一點涼意，當然要食一點暖笠笠食品。好友知我怕凍，提議帶我去食火鍋放題，原來友人發現油塘最近開咗間涮涮鍋，以一個合理嘅價錢就可以任食靚牛，而且仲要免收加一服務費，所以很想同我去試下。既然友人咁有我心，就一於去同蠻牛撕殺一番，吃個痛快。原來好友所講嘅就係呢間「八幡屋涮涮鍋」，餐廳位於大本型 3 樓大食代入面。由於這晚來到時時間尚早，店裡食客還不算太多，所以不用排隊便可直入。至於餐廳裝潢方面，其實店舖開業還不足三個月，所以地方看起來仍非常新淨，而且椅桌擺放得十分整齊，四周亦沒有太多陳設，只見門口掛著幾盞日式燈籠，感覺清雅舒服，很適合三五知己來聚餐。先細看餐牌，原來餐廳唔單止提供「火鍋放題」，仲有「日式料理+火鍋放題」可供選擇，而價格就要視乎所選的牛肉級數而定，有美國進口牛肉、特選美國牛肉、澳洲和牛三款可供選擇，價錢豐儉由人。而這晚我倆就選了中價的特選美國牛肉+日式料理 ($248/位)，放題限時為 2 小時。吃火鍋的首個任務當然是挑選湯底，餐廳總共提供了九款選擇，當中包括有壽喜燒、地獄湯、鴛鴦湯、昆布清湯、宮崎味噌湯、辛辣泡菜湯、
原來好友所講嘅就係呢間「八幡屋涮涮鍋」，餐廳位於大本型 3 樓大食代入面。由於這晚來到時時間尚早，店裡食客還不算太多，所以不用排隊便可直入。至於餐廳裝潢方面，其實店舖開業還不足三個月，所以地方看起來仍非常新淨，而且椅桌擺放得十分整齊，四周亦沒有太多陳設，只見門口掛著幾盞日式燈籠，感覺清雅舒服，很適合三五知己來聚餐。
先細看餐牌，原來餐廳唔單止提供「火鍋放題」，仲有「日式料理+火鍋放題」可供選擇，而價格就要視乎所選的牛肉級數而定，有美國進口牛肉、特選美國牛肉、澳洲和牛三款可供選擇，價錢豐儉由人。而這晚我倆就選了中價的特選美國牛肉+日式料理 ($248/位)，放題限時為 2 小時。
吃火鍋的首個任務當然是挑選湯底，餐廳總共提供了九款選擇，當中包括有壽喜燒、地獄湯、鴛鴦湯、昆布清湯、宮崎味噌湯、辛辣泡菜湯、蕃茄龍蝦海鮮湯、沖繩海鮮清湯連兩層海鮮塔及我倆揀選嘅骨膠原豬骨湯。
趁湯底未上，先外出「混醬」，醬料共有 8 款，包括辣椒粉、指天椒、炸蒜香、蔥花、麻油、芫茜、胡麻醬及蒜茸等，喜愛邊款，大可自由組合。至於自助飲品方面，選擇亦不少，除了汽水之外，有平日比較少會飲到嘅罐裝碧螺春、冰糖雪梨同仙草爽等，另外亦有樽裝嘅蜜蜂柚子供應。
聽朋友講，這個骨膠原豬骨湯底需人手炮製兩日，內含豐富骨膠原，非常適合用來配襯菜蔬同海鮮。
至於點餐方面，除咗可以剔紙仔之外，其實客人亦可以下載應用程式，用 App 嚟落單，哈哈，咁就一於雙管齊下。
好，馬上開餐。先吃是晚的主角特選美國牛肉，牛肉上桌時已切成薄片，色澤紅潤，輕輕涮幾秒至七成熟即可享用，質地相當鮮嫩，有牛味又夠肉汁。另外豬腩肉片同美國黑豚片，水準亦唔錯，前者雖然看似很肥膩，但其油脂的甘香卻是特色；而後者肉質亦非常鬆化，食落一啲都唔韌。
海鮮方面，選擇亦非常豐富，有蜆、生蠔、海中蝦、墨魚滑、蟶子、帆立貝、魷魚、象拔蚌、東風螺同花膠仔。幾款當中，個人最滿意就海中蝦，肉質夠曬彈牙，入口爽脆鮮甜，屬 encore 之選。另外蟶子和帆立貝亦值得一試，前者肉質鮮甜緊緻；而帆立貝食落亦煙韌彈牙。
至於其餘嘅火鍋生料，就要自行去自助吧拿取。生料以瓜菜為主，有生菜、油墨菜、蓮藕、冬瓜，另外亦有菇菌類、丸類、麵食、生筋、響鈴等。整體來說，各生料選材甚具質素，賣相食味俱佳。
輪到吃日式料理，先由刺身開始，點咗三文魚、甜蝦、冰山貝、蠑螺片、鮑魚片同八爪魚。刺身嘅整體水準都算唔錯，新鮮得嚟又夠肥美，尤其是係甜蝦，蝦肉呈半透明狀，肉質爽口彈牙。另外三文魚亦切得厚薄適中，入口魚脂豐腴，味道亦不賴。
食完刺身，就試下壽司同軍艦。壽司揀咗黑松露三文魚、火炙胡麻三文魚同火炙蒲燒鰻魚。三文魚本身油脂已經非常豐富，用火輕輕炙過後，油香更濃、入口即溶；而火炙鰻魚端上桌時仍然微暖，入口綿得嚟又夠 juicy，味道亦挺不錯。
至於軍艦方面就選了花之戀、三文魚、蔥拖羅、軟殼蟹同龍蝦沙律。幾款軍艦都好新鮮，尤其是係蔥拖羅，紫菜十分脆口，而吞拿魚腩蓉食落亦帶淡淡脂香，加上 size 夠的骰，剛好一口一件，所以食完一啲都唔會覺得 heavy。
燒物選了鹽燒大虎蝦、蒜香雞中翼、烤菠蘿、汁燒帶子貝、日式燒冬菇同大蔥豚肉串；另外揚物就點了炸蝦天婦羅、蕃薯仔、南瓜、炸魷魚圈同香芋丸。雞翼 size 雖然不大，但燒得香濃惹味，況且雞肉裡面還有肉汁，食味一流。另外豚肉串水準亦唔錯，大蔥唔太辣又夠 fresh，夾埋豚肉食，口感無咁油膩！
就算食到幾飽，甜品環節當然唔少得！其實甜品方面，款式選擇唔多，只有雪糕、雪條、啫喱、芒果布甸同一口忌廉泡芙，不過食完真係好滿足！
张贴
