Up2u (已結業)

初試呢間開左兩個多月嘅外賣小店，叫左$36嘅「香煎慢煮豬肉眼炒滑蛋三文治」，即叫即整，熱辣辣，外賣盒包裝精美。三文治麵飽屬厚切，餡料滿滿，睇落勁大份，超足料。豬肉眼就係成塊完整豬扒切件，由於係慢煮，所以肉質好腍；炒蛋就成吋厚，香滑好味。食左半份其實已經有D飽，食到尾都要放棄少少麵飽，真係食唔晒，好少食三文治食到咁飽。唯一美中不足係所謂嘅烘底，其實係將塊飽用油喺鐵板度略煎，既唔脆，又索油。如果就咁用返焗爐烘塊飽，效果應該更好。