Chef's Stage Kitchen (愉景新城) (已結業)

平时见依间餐厅好多人排队，一直都好想试下，但都冇机会。今日中午12:30左右，见餐厅竟然有空位，就入咗去叫咗两个午市套餐，套餐本身系包一个前菜同埋汤，另外仲有嘢饮同埋主菜，非常丰富。饮品方面加钱叫咗一杯薄荷朱古力，朱古力味十分浓郁，但系就会令到自己开始有少少饱，所以建议都系叫返普通嘢饮！另外，跟餐嘅南瓜汤系用南瓜蓉打成，口感顺滑，真材实料。不过前菜嘅牛角包就有少少逊色，唔够脆，似普通面包。轮到主菜啦，牛扒非常好食，但系量唔多，所以如果男士自己食一个餐可能就会唔饱啦，我哋选择咗三成熟，肉汁多而且口感都嫩滑，唔会食到有根，肉味都浓郁。另外我哋再叫咗个burger set，汉堡包非常足料，超大个，将个口张到最开到食唔到😂所以就要分层食，但整体来讲汉堡包入面嘅肉都系好食嘅，而且10分抵食！