628
36
6
开饭介绍
由三位拥有超过15年丰富经验的西厨创立,坚持由世界各地精心挑选进口食材,以精致手艺打造酒店级西餐享受。提供的菜式十分多样,其中不少复杂的菜式,在坊间最少见。
继续阅读
营业时间
星期一至日
11:30 - 22:30
以上资料只供参考,请与餐厅确认详情
食家推介
今日食咗个lunch🍴, 虽然唔算话好好食。但我觉得佢有啲位做得唔错😌😌🔺先讲好简单嘅嘢水, 无错系一杯水因为佢系使用薄荷叶,重点系饮到薄荷味嘅,唔马虎求其👍🏻👍🏻👍🏻🔺叫左个Deluxe Breakfast 🍳 表现正常水准,我就觉得啲粟米放得太多香草个人唔系咁锺意。👍🏻👍🏻但要赞嘅系要铁pan系暖嘅,系咁冻嘅天气底下觉得服务好到位,食物唔会好容易冻🔺Lunch set B好食😋🔺两个都有餐包沙律汤以及饮品⚠️沙律就一般,D菜食落有少少苦涩,唔知关唔关火箭菜事呢😜😜汤好饮👍🏻包好食👍🏻
继续阅读
「愉景新城」比较偏埋一角,所以,唔多嚟,不过,较早前同旧同学行山,终点晌荃湾,故此就顺路嚟到「愉景新城」食晏。始终疫情持续紧,所以,都刻意拣避避人潮,唔晌啲放饭高峰时段嚟,亦拣啲地方阔落嘅餐厅,所以,选上「Chef's Stage Kitchen」。餐厅嘅环境除咗阔落,高楼底之外,一室木系,又有唔少植物作点缀,颇有一种农村餐厅嘅感觉。衬以柔和嘅灯光,半开放式嘅环境,又加上此时客人唔多,予人感觉更悠闲舒服。餐具、口罩袋、薄荷味清水已放晌枱上供客人使用。再睇睇午餐选择,主要有两个餐牌,一个喺全日早餐同汉堡,另一个喺啲主菜类,如意大利饭、长通粉、肉眼扒,两者都会包餐汤、沙律、牛角包及餐饮,此外,亦有啲额外加配选项,如粗暮条、薯仔沙律;如想试埋自家制甜品,亦有正价减$20优惠。顺带一提,午市唔收服务费,又可以悭番多少少。餐饮方面,都喺基本嘅茶啡、柠茶、柠水……之类,不过,店家亦有提供多款特饮,如伪鸳鸯、热拖肥姜鲜奶、特色花茶、竹炭曲奇热鲜奶,均可以以优惠价转配。由於枱上都放咗成本饮品餐牌,尾页印有各式自家制甜品,所以,索性影埋出嚟俾大家参考。餐汤、沙律、牛角包 先喺一次过上晒餐汤、沙律、牛角包,我都几锺意咁样,方便我一次过影相,又可以几样嘢轮流混合咁食。先分享个餐汤,喺椰菜花忌廉汤,有别於纯白色,估计加入咗啲炒洋葱去打,味道颇香,而且,非常滑溜;啲沙律菜新鲜爽脆好好食,仲加咗少少青苹果、车厘茄、粟米粒,简单以黑醋调味,味道醇厚;个牛角包就细细个嘅迷你版,但好酥香,伴汤一流。班尼迪蛋 $98小弟就想试试班尼迪蛋,平平哋之余,班尼迪蛋喺好考师傅手势,而每份班尼迪蛋有两件水波蛋,仲配有火腿、英式松饼、荷兰汁、香脆薯饼、田园沙律,砌出嚟都大大份,所以,非常有睇头,卖相亮丽。实际上,水波蛋煮得啱啱好,一切开蛋黄慢慢咁流出嚟,蛋黄极之绵香,火腿亦唔喺茶记啲普通货色,夹埋英式松饼一齐食,都几正,加上酸酸哋嘅荷兰汁,味道就更有层次;薯饼虽然睇得出都喺现成货,但亦烘得好香脆,好有薯香。炭烧纽西兰牛肉眼扒 $158旧同学喺食肉兽,所以,最感兴趣喺呢一道肉眼扒,大大件肉眼扒炭烧过後,一道道坑纹,再加埋甘笋蓉、香煎薯仔、露笋,配烧汁,卖相同样诱人吸引,未食都先兴奋。要咗5乘熟,一落刀感觉到肉质非常软腍,再睇睇,色泽嫩红,却没有半点血水,烧得啱啱好;而简单盐、黑椒调味,斋食真喺食得到嗰份肉香,加上外层焦脆,内里好腍滑,足见件扒本身极具质素。而伴菜亦有心思,唔喺一般嘅薯菜,甘笋蓉打得细滑,露笋又喺啲贵价嘢,真喺诚意十足。热牛奶咖啡 +$18今回就无选拿铁,改吓试试热牛奶咖啡(Flat White),其实,牛奶系咖啡就好啱小弟口味,而杯咖啡几醇香,又带少少果仁香气,如果,有埋拉花睇睇就更好啦。另外一提,杯咖啡仲伴有一小件意式脆饼(Shortbread),佢英文叫「bread」咋,其实佢喺曲奇嘅一类,既松脆,又好有杏仁香,伴咖啡一流。玫瑰抹茶鲜奶沙冰 +$38旧同学就贪得意,试试特色嘢,要咗玫瑰抹茶鲜奶沙冰,淡翠绿色嘅沙冰,唧咗大量忌廉做点缀,都几靓仔。同学就话入口果然有玫瑰花香,又有啖啖抹茶嘅清幽味,最欣赏喺啲沙冰打得够细致,完全饮唔到碎冰粒,呢一点值得一赞。最後,埋单时,单据放晌个小煎镬之上,再用粒煎双蛋磁石摄住,非常得意。此外,原来,仲做紧午餐10送1,晌附近住嘅或返工嘅客人,都几有吸引力。而且,离开时,先再留意到,仲有好多外卖折扣优惠添。今餐除咗食物具质素之外,更喺服务熨贴,不时帮忙收走用餐完毕嘅餐具,又会主动提供牙签,询问一下啲嘢啱唔啱食,而侍应又非常有礼貌,所以,我哋异口同声话有机会都会再嚟!
继续阅读
Chef's Stage Kitchen (愉景新城) (荃湾)荃湾青山公路荃湾段398号愉景新城1楼1056D&1058号舖同表姐去左荃湾既IKEA 睇家俬,行到teatime 见有点饿,於是去左隔离嘅 愉景新城去搵野食食,见到有间工业风既餐厅,仲有半开放式既设计,环境好舒适,一睇名原来就系chef’s Stage Kitchen ! 听人讲系好好味!但一直都冇试过!今日就入去试下啦😋😋🥰🥰我地入到去员工真系超nice同有礼貌!虽然已经系tea time 时间, 但由於我地好饿,所以我地就叫左2sets Tea set, 分别有ROYALE DELUXE BREAKFAST 星级早餐 $108整个breakfast 除左有standard既香脆薯饼,、茄汁焗豆、仲有一d都唔乾身但好有口感既烟肉同大块火腿,仲有好新鲜既车厘茄同埋我好锺意食既烤猪肉肠,仲有我表姐最锺意食既香甜栗米粒 。特别想赞下佢既egg royale ,真系好味!烟三文鱼配上半生熟蛋😋😋再加上包一齐食!真系好滋味呀!PAN-FRIED AUSTRALIAN RIB EYE SERVED WITH MIXED SALAD, SWEET POTATO FRIES & GRAVY SAUCE 香煎澳洲肉眼扒 配杂菜沙律,甜薯条及烧汁 $138 佢既肉眼牛扒 ,真系好高质!😍😍而且仲好大块!依块肉眼扒我地叫咗五成熟,佢肉质好淋好嫩滑, 唔会乾!而且好容易就切得开 ,唔多筋位,最重要系块扒又大又厚仲要好多肉汁,真系啖啖肉仲好Juicy添🥰🥰😋😋🤪🤪。整体都好好味!肉味够浓,真系就算唔点酱汁都冇问题!另外仲有伴菜同埋粗薯条,薯条仲炸得外脆内软,点埋茄汁真系一流!😍仲有仲有!饮品方面,原来跟set叫奶茶、柠檬茶既饮品等等呢,仲可以无限添加嫁!!真系好抵食呀个tea!🥰🥰下次一定会再黎!
继续阅读
最近好少出街,Throw back返久远嘅一餐🤣⋯当晚同BB仔一齐食饭,带住BB拣餐厅都唔易,最好就family friendly👨👩👧,多数BB仔食物就要自己大。见到BB爸爸妈妈要照顾咗小朋友🤱🏻,甚至等佢瞓着咗先开始食饭,为人父母真系好伟大!我哋四位大人叫咗两个二人餐,所以每个餐点都拣咗两款㗎————————————————👅2人精选晚餐($648/set)🔸沙律/餐汤🔸👉🏻 变咗蓉嘅罗宋汤,浓缩左蔬菜嘅味道👉🏻青瓜丝同沙拉菜🥗,捞埋酸甜醒胃嘅西柚、橙同蕃茄🔸头盘🔸👍🏻法式生牛肉他他半鹌鹑蛋及法包:一直都好想试吓生肉,例如系韩国生肉或者日本马肉刺身🙊,所以今次都系我第一次食生肉嘅初体验。牛肉他他切到好细粒,软软地好绵滑,食中腌青辣椒会有啲辣。配住法包食就似搽酱,无反感无肚痛.👉🏻意大利风乾火腿伴蜜瓜:火腿正常,蜜瓜好甜,咁样摆碟都几靓🍽,不过要自己卷就烦啲🔸主菜🔸👉🏻烩美国牛肋肉宽蛋面:牛肋肉烩到好软烂🍝,意粉Okay啦👉🏻鲜蓝蟹肉及芦笋烩意大利饭配鲜虾头膏:蟹肉丝唔重蟹味🦀,意大利饭有鲜味👉🏻炭烧美国牛板腱扒拼香草牛油焗波士顿龙虾尾:龙虾望落好似好大嚿,其实旧肉劏开咗放上咗上个壳到,龙虾肉薄左啲🦞。牛扒还好,Order七成都有啲生。薯菜可以拣薯条/薯蓉/焗薯👍🏻炭烧美国极黑猪扒拼香草牛油焗波士顿龙虾尾:猪扒厚身多汁,盐吊起肉味🧂,奶滑薯蓉好好味🔸饮品🔸👉🏻接木骨玫瑰花茶:清甜冰茶,都系加冰好饮啲。另外可以拣冻/热嘅即磨咖啡/茶👅意大利芝士饼($68)👍🏻好厚嘅芝士cream,应有嘅酒香同咖啡香都有,用蛋糕片代替传统嘅手指饼———————————————— 🚩总结:正常水准嘅西餐厅🍴———————————————— 🌟注意:加一服务费————————————————📍 Chef's Stage Kitchen地址:荃湾青山公路荃湾段398号愉景新城1楼1056D&1058号舖.🗺地区:#bem荃湾📥分类:#bem西餐💰人均消费:#bem_201至400蚊
继续阅读
由於依加禁晚市堂食,唯有日头搵好野食啦😚😚今日去开依头行街,见到依间餐厅好有情调!!好啦。。。 一於入去试一试,填饱个肚先😋😋入到去坐,成间餐厅既感觉好有美式风格,座位半开放式排列,枱同枱之间唔会好迫,好chill既感觉!🍁🍁🍷🍷加埋就快新年,有d新年装饰,中西合璧🧨🧨我知道依间平时晚上爆满,基本上好难等到位!!我哋一坐低,侍应好细心讲解今日有咩好食👍👍样样都好想食,都唔知食咩好!!😂😂最後,叫左lunch set青酱烩意大利饭🥒🥬同埋炭烧纽西兰肉眼扒5成熟🥩🥩而野饮叫左伪鸳鸯(原味),依杯野佢参考左茶餐厅既concept去做出黎!哇😍😍有惊喜!!如果好钟意朱古力🍫🍫既人士一定要饮下!!超浓郁🥤🥤,因为佢d冰系用咖啡去制成,唔会令冰溶後,朱古力味道变淡👍👍比专门咖啡连锁店更好饮🤩lunch set 有餐汤(甘笋南瓜汤)、沙律🥗、牛角包🥐!!个汤好浓呀!!饮得出系新鲜打成😊😊终於上主菜啦!!劲期待😍😍依个青酱烩意大利饭,好好味👍食完一啖,会再想食!佢既味道好清新同好浓既cream, 芝士同蔬菜mix既味道,好有层次!!而肉眼扒望落去已经好吸引!!摆盘好精致😘食落去好腍好浓既牛味🥩🥩佢配埋芦笋同薯仔🥔, 可以解一解腻!!食完依两个lunch set,好满足!!
继续阅读